Una sa Balita

Anak sa Mayor ug laing 7 nasikop sa party drugs

0 279

Nasikop ang walo ka tawo lakip ang anak sa usa ka mayor sa gihimong buy-bust operation sa usa hotel sa Barangay Malabanias, Angeles City.

Nasakmit gikan nilang Bernice Fabiosa, 21; Ma. Isabel Lawas, 19; Aileen Baldon, 23; Jamie Mendoza, 20; Jessa Scott, 19; Bernadeth Saavedra, 19; Gregorio Imperial, 26; ug Sean Moreno, 42, nga giingong anak ni Cagayan de Oro Mayor Oscar Moreno, ang moabot sa P1 milyong kantidad sa party drugs niadtong Hunyo 29.

Matud sa kapolisan, nga dili kanunay sa Pampanga ang mga suspek kun dili sa Maynila ug adunay gibagsakan sa Angeles City.

Lakip sa mga nasakmit nga party drugs sa mga suspek ang 310 ka tableta sa ecstasy; lima ka Dimethyl Tripticase ug 100 ka buok nga valium.

Gitanggong na ang mga suspek sa PDEA Regional Office 3. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy