Una sa Balita

Anak ni Alvarez, gidagan ang Mace sa Kamara

By
0 224

Trending karon sa social media ang anak ni kanhi House Speaker Pantaleon “Bebot” Alvarez human kini gipost sa iyang instagram account ang usa ka litrato nga iyang gigunitan ang nawala ga “Mace” sa Kamara.

Base sa hulagway nga nakuha sa Abante, gigunitan ni Finance Assistant Secretary Paola Alvarez ang Mace samtang anaa sa sulod sa opisina sa iyang amahan.

Wala pa masayri kung ang maong litrato nakuha kini sa wala pa magsugod ang sesyon niadtong Lunes sa buntag o pagka udto human gi-adjourn ug sayo ang sesyon dihang nasayran sa mga magbabalaod nga kaalyado ni Alvarez nga pla o kining tangtangon sa puwesto sa mga kauban ni kanhi pangulo ug karonPampanga Rep. Gloria Macapagal-Arroyo.

Nasayran nga gikagubtan sa mga sakop sa ubos balay balaoranan dihang gikataho nga kikuha ug gidagan sa mga opisyales sa Kamara nga duol sa liderato ni Alvarez sa wala pa magsugod ang ika tulong State of the Nation Address (SONA) ni Pangulong Rodrigo Duterte..

Ang Mace maoy simbolo sa gahum sa Kamara ug angayang ibutang kini sa tunga tunga samtang nagpadayun ang sesyon.