Una sa Balita

Ampatuan gidid-an nga makapiyansa sa Maguindanao massacre

0 207

Tungod kay kulang sa merit hingpiy na nga gibasura sa Supreme Court (SC) ang petisyon ni kanhi ARMM Governor Zaldy Ampatuan nga tugylutan kining makapiyansa alang sa iyang giatubang nga 58 counts sa kasong murder sa Maguindanao massacre.

Sa resolusyon sa First Division sa Korte Suprema nga adunay petsa nga July 22, 2019, matud nga napakyas ang petitioner nga si Ampatuan nga ipamatuod nga adunay “reversible error” o sayop sa unang desisyon sa Court of Appeals, diin unang gibasura ang iyang hangyo nga application for bail.

Ang mga giladlad nga argumento nilang Ampatuan sa iyang petisyon lakip na ang pagpanghimakak nga nalambigit siya sa maong krimen ug ang iyang mga alibay, matud sa korte maisip kini nga factual issue nga mas maayong matuki sa usa ka full blown trial.

Gitataw usab sa labaw nga hukmanan nga mahimong premature usab kung mohukom ang Korte Suprema sa subra sa gikatakda nga judicial review tungod kay mahimong maunhan nila ang mga partido sa pagprisintar sa ebidensya sa trial sa kaso.

Nagsugod kini dihang nakigkunsabo si Ampatuan sa pagpatay sa 58 ka biktima, lakip na ang kapin sa 30 ka sakop sa medya, niadtong November 23, 2009 sa Sitio Masalay, Barangay Salman sa lungsud sa Ampatuan.

Una nang gibasura sa Quezon City Regional Trial Court ang iyang application for bail tungod kay lug-on ang gipresentar nga ebidensya sa prosekusyon aron motumbok kaniya nga mahimong guilty sa krimen. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy