Una sa Balita

Amahan ug anak nadakpan sa anti-drug operation sa Cotabato

By
0 103

Usa ka 50-anyos nga amahan ug duha niya ka anak lalaki ang nakuwelyohan sa gihimong anti-illegal drugs operation sa Tampakan, South Cotabato niadtong Sabado.

Matud sa report nga dihadiha nasikop si Jaime Malinao Sr., human mihatag sa operatiba sa Philippine Drug Enforcement Agency (PDEA) ang usa ka sachet sa shabu sa buy-bust operation nga gihimo mga alas-3:45 sa hapon sa Barangay Maltana.

Lakip sa nasikop ang iya g mga anak nga silang Jaime Jr., ug Mark.

Moabot sa P136,000 ang kantidad sa shabu ug drug paraphernalia ang nasakmit gikan sa mga suspek.

Si Malinao Sr., giingong nalakip sa high value target sa PDEA giingong diha naggikan kaniya ang iligal nga drugas sa South Cotabato ug Gen. Santos City base sa mga pamahayag sa mga nasikop nga drug users ug suppliers.

Nag-atubang ang amahan ug anak sa kasong kalapasan sa Comprehensive Dangerous Drugs Act of 2002.