Una sa Balita

Amahan ni Sec. Andanar gitudlo ni Duterte isip special envoy sa Malaysia

By
0 55

Gitudlo ni Presidente Rodrigo Duterte isip Special Envoy to Malaysia si Wencelito Tan Andanar, amahan ni Presidential Communications Operations Office (PCOO) secretary Martin Andanar.

Ang appointment ni Andanar gipirmahan sa Presidente niadtong August 9,2018 ug adunay unom ka bulan nga termino, o hangtud sa Pebrero 2019.

Si Andanar dili na kini bag-o sa gobyerno tungod kay nahimo kining Undersecretary sa Department of Interior and Local Government (DILG) sa panahon ni kanhi Presidente Joseph Estrada.

Ang ubang bag-ong appointee sa Presidente si Jeffrey Ian Cardano Dy isip Deputy Commissioner sa Bureau of Customs, hulip ni Noel Patrick Prudente.

Si Prudente ang opisyal nga gitaktak ni Presidente Duterte niadtong May 30 tungod sa pagpunay ug biyahe sa gawas sa nasud.

Lakip sa gitudlo sa Presidente si Julia Cecil Coching Sosito isio bag-ong presiding commissioner sa National Labor Relations Commission second division.