Una sa Balita

Amahan, anak ug lolo gipatay sa balod

By
0 268

Tulo ka tawo ang nalumos human hapaka sa kusog nga bawod ang ilang gisakyan nga bangka sa Dumaranan Channel sa Barangay Poblacion sa lungsud sa Dumaranan, Palawan, dominggo sa udto.

Giila ang mga namatay nga silang Leo Lagrosa Gabo, 33, anak nga si Florence Andrei Lagrosa Gabo, 4, ug ang lolo nga si Florentino Parangue Lagros, 64, pulos residente sa Barangay Bacao sa maong lungsud..

Base sa taho nga gipadala ni Police Lt. Col. Socrates Faltado, Region 4-B (MIMAROPA) Spokesperson, sakay sa bangka nga de motor ang mga biktima kauban ang tulo sa Dumaranan channel paingon unta sa Barangay Bacao dihang gihapak sila sa kusog nga bawod mga alas-12:30 sa udto.

Nahulog sa dagat ang amahan ug anak nga Gabo nga gisuwayan untang sagupon ni Florentino apan nalakip hinuon nga nalumos tungod sa kusog nga balod.

Gihimo dayun ang rescue operation nga gipangulohan ni Samuel Gravamen, usa usang nakuha ang mga patay nga lawas sa mga biktima sa ilawom sa dagat nga daling gidala sa pier sa Barangay Poblacion kauban ang tulo nga nakaluwas ug ang ilang gisakyang bangkang de motor.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy