Una sa Balita

AMA Rural bank dili pa mabalik ang kuwarta sa mga depositor

0 359

Dili pa masiguro sa Philippine Deposit Insurance Corp. (PDIC) kung makuha sa mga depositor sa AMA Rural Bank of Mandaluyong ang ilang mga kuwarta sa dili pa ang Pasko.

Matud sa PDIC, nga wala mi-turn-over sa records ang mga kawani saAMA Rural Bank sa ilaha dihang mu-take over sila niadtong November 8 ug nawala na ang mga kawani niini.

Matud ni PDIC senior vice president Romeo Mendoza Jr., target unta nilang mabalik ang kuwarta sa mga depositors sa dili pa mahuman ang bulan apan dili nila mahimo tungod kay kulang ang records.

“We don’t know if we can pay them before Christmas,” matud ni Mendoza.

Matud ni PDIC executive vice president Ma. Ana Carmela L. Villegas, nagpadala na ang PDIC ug mga demand letter sa 65 ka mga empleyado ug mga opisyal sa AMA Rural Bank.

Sa demand letter, gihatagan ang mga employed ug opisyal sa AMA Rural Bank og 24 hours aron ihatag ang mga records ug uban pang mga dokumento sa bangko sa PDIC. Kung magdumili silang mosunod pasakaan silag kasong criminal.

Adunay 235 ka mga empleyado ang AMA Rural Bank.

Matud sa PDIC, anaa sa P1.4 bilyon ang mga deposito sa AMA Rural Bank as of June 30, 2019 nga anaa sa 8,434 ka accounts. Sa kadinatian sa PDIC, maglinahanglan lang kinig 15 working days gikan sa adlaw nga take-over aron mabayaran ang mga depositors.

Gawas sa records sa mga deposits, gikunahanglan usab sa PDIC ang mga records kabahin sa mga nangutang sa bangko.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy