Una sa Balita

Alora, Lopez, Morrison pakay ang 1st Asiad gold sa 31 taon

By
0 221

JAKARTA, Indonesia — Nakakaldag na ang mga bata ni Philippine Taekwondo Association (PTA) president ­Robert Aventajado ng apat na silver at 21 bronze medal sa nakalipas na 31 taon sa nagdaang anim na edisyong pag­lahok sa Asian Games.

Kaya naman sa nagbukas na kahapong 18th AG 2018 sa Jakarta-Palembang, Indonesia, nangangarap ang PTA na ibang putahe naman ang matikman, at maka-gold sa quad­rennial multi-sport meet tampok ang 45 bansa sa loob ng 16 araw.

“Our taekwondo jins are in high spirits. Hopefully, we can convert that to a medal,” ani coaching staff Ranni­ Ann Ortega sa 18 jin na bets dito sa limang araw na mga pakiki­pagpukpukan simula ngayon Linggo, Agosto 19 hanggang Agosto 23.

Trangkang panagupa ng ‘Pinas sina 2016 Rio de Janeiro Olympian at two-time Asiad bronze winner Kirstie Elaine Alora; 2016 Asian Championships gold winner Pauline Louise Lopez; at 2017 Malaysia Southeast Asian Games Samuel Morrison sa women’s and men’s kyorugi (sparring).

Bumuo sa lineup sina Darlene Mae Arpon,­ Rhezie Aragon at Baby­ Jessica Canabal sa women’s­ kyorugi at Francis Aaron Agojo, Arven Alcantara, Christian Al dela Cruz, Jenar Torillos at Kristofer Robert Uy sa men’s ­kyorugi.

Sa men’s poomsae (form) poporma sina Jeordan Dominguez, Dustin Jacob Mella, Rodolfo Reyes Jr. at Kristopher Robert Uy, at sa women’s poomsae ay sina Rinna Babanto, Juvenile Faye Crisostomo, Jocel Lyn Ninobla at Anna Dominique Oliva.

Best finish ng PTA sa AG ang dalawang silver medal nina ­Marie Antoinette Rivero at Tshomlee Go sa pares sa 2006 Doha Asiad. Naka-silver din sina Donald David Geisler noong 1998 Bangkok Games at Robert Dean Vargas sa 1994 ­Hiroshima AG.

Kasama ang 21 bronze, nasa 13th place sa 26 country sa medal table ang mga Pinoy, naka-limang bronze sa 2014 Incheon Games.

Ang South Korea (53-1-6 gold-silver-bronze), Iran (12-11-16) at Chinese Taipei (11-11-16) ang top 3.