Una sa Balita

Alejano gustong ipasusi ang giingong pagbaligya sa mga armas ngadto sa mga terorista

By
0 414

Misang-at si Magdalo Party-list Rep. Gary Alejano ug resolusyon aron susihon sa Kamara ang posibleng iligal nga pagbaligya sa military firearms ug ammunition.

Subay kini sa nasakmit nga mga armas ug bala gikan sa gunrunners sa Maute ug Abu Sayyaf group diin nakasulat sa mga kahon ang “AFP”, “GOVERNMENT PROPERTY”, ug “PHILIPPINE ARMY.”

Matud ni Alejano, nga dugay na nga problema ang ingon niini nga korapsyon sa AFP nga maoy usa sa hinungdan nga gihimong pag-aklas sa grupong Magdalo kaniadto.

Gihagit sa magbabalaod ang gobyerno nga mopatuman og long-term policies ug reporma sa sistema sa Armadong Kusog aron mahunong ang maong matang sa negosyo.

Dugang pa sa kongresista, nga maglisud ang kagamhanan pagbuntog sa mga terorista kung ang mismong han-ay sa AFP adunay mga traydor.

“Ang kapalit ng ganid ng iilan ay buhay mismo ng ating kasundaluhan. Huwag naman sanang bala pa ng gobyerno ang papatay sa ating mga sundalo,” matud ni Alejano.

Abante – Wendys Inhouse Ad

This website uses cookies to improve your experience. We'll assume you're ok with this, but you can opt-out if you wish. Accept Read More