Alapag assistant coach ng Kings sa Summer League
By Fergus Josue, Jr.
MAKAKASAMA si San Miguel Alab Pilipinas head coach Jimmy Alapag sa Sacramento Kings bilang assistant coach sa 2019 Summer League sa Las Vegas Nevada, ayon sa balita ng ESPN5.
Si Kings general manager at chairman ng FIBA Players Commission na si Vlade Divac ang nag-imbita kay Alapag na maging bahagi ng kanilang coaching staff sa Summer League ngayong taon.
“I stayed in touch with Vlade Divac who is the Chairman of the FIBA Players’ Commission, where I’ve been a member of for the past four years. After our campaign ended in the ABL, I got to talk to him again,” sabi ni Alapag.
“I told him I needed to learn more about coaching because I’ve only been a head coach for two years and he brought up the idea that I should come in and learn from the Sacramento Kings where he is also the general manager.”
Ang 2019 NBA Summer League ay isang 11-day tournament na may 83 games na lalaruin ng 32 teams na maglalaro ng apat na preliminary games at ang top eight teams ang mase-seed sa torneo at magkakaroon ng tsansa sa championship game.