Una sa Balita

Aklat na Balarila ng Wikang Pambansa, maaari nang mai-download

0 334

SA gitna ng tumataas na halaga ng mga pa­ngunahing bilihin, ang ilang mga kagamitan sa eskuwelahan tulad ng mga aklat na kailangang bilhin agad ang nagpapasakit sa ulo ng mga magulang.

Pero hindi na ­ngayon. ­Malaking kabawasan kasi sa ­pasanin ng mga ­magulang na libre nang maida-download ang ilang reference book sa mga paaralan tulad ng Balarila ng Wikang Pambansa na akda ni Lope K. Santos.

Bisitahin lang ang link na http://kwf.gov.ph/wp-content/uploads/Balarila-ng-Wikang-Pambansa-1.pdf. at maaari na itong i-dowload ng mga ­mag-aaral bilang ­reference book.

Ayon sa post ng Komisyon sa Wikang Filipino sa kanilang Facebook account, ­libreng makakakuha ang mga mag-aaral ng kopya ng Balarila ng Wikang Pambansa para lubusan nilang mapag-aralan ang wikang Filipino.

Si Lope K. ­Santos ang may akda ng Balarila ng Wikang Pambasa at ­inilathala ito ng Surian ng ­Wikang Pambansa noong 1939.

May apat na ­bahagi ang libro ­tulad ng ­palatiktikan, ­palabigkasan, ­palaugnayan at ­palasurian.

Ayon sa ­komisyon, matututuhan ng mga estudyante ang kaila­ngan nilang ­kaalaman tulad ng tamang ­pantukoy sa mga ­hayup depende sa kasarian ng mga ito.

Itinuturo rin ng ­aklat ang ­pagkakaiba ng mga unlapi na Mang, Man, o Mam, at ­marami pang iba.

(Mia ­Billones)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy