Una sa Balita

AFP ug DND andam depensahan ang PH batok sa China

By
0 87

Andam kanunay ang Department of National Defense ug Armed Forces of the Philippines (AFP) nga protektahan ang teritoryo sa nasud sa bisan unsang pamaagi.

Mao kini ang giklaro ni Defense spokesman Arsenio Andolong apan iyang giklaro nga dili makiggubat ang Pilipinas sa China tungod sa isyu sa panag-ilog sa teritoryo.

Miluwat ug pamahayag si Andolong nunut sa padayon pagpagawas ug mga taho kabahin sa pagpalig-on sa China sa ilang puwersa sa militar dinha sa West Philippine Sea.

Matud ni Andolong, nga kun unsa man nga kagamitan anaa ang AFP gamiton kini aron kapanalipdan ang soberenya sa Pilipinas.

Matud pa sa opisyal nga sa iyang nahibaloan nagpabiling gipatuman ang ‘status quo’ sa mga aktibidad sa mga giilogan nga bahin sa rehiyon.

Matud niya nga maayo ang relasyon sa Pilipinas ug China busa ilang pagtuo nga walay hilabtanay nga mahitabo sa duha ka nasud.

Gibutyag usab niini nga ilang gipadali ang modernisasyon sa AFP aron malig-on ang territorial defense capability sa nasud.