Una sa Balita

ACT nagpatabang sa CA batok sa profiling sa PNP

By
0 197

Midangop sa Court of Appeals (CA) ang Alliance of Concerned Teachers o ACT aron ipahunong ang gihimong profiling sa PNP sa mga sakop nga matutudlo sa grupo.

Sa 40-pahina nga petisyon, gipangayo sa ACT sa appellate court nga mopagawas ug writ of preliminary injunction o TRO batok sa memoranda sa PNP nga nagmandu sa pagpahigayun sa mga sakop niini ug imbentaryo sa tanang magtutudlo gikan sa pribado ug pangpublikong tunghaan nga sakop sa ACT.

Gusto usab sa ACT nga ideklara sa CA nga iligal ug nakalapas sa Batakang Balaod ang maong lakang sa PNP.

Gipangayo usab sa grupo sa CA nga manduan ang PNP nga iduso ang memorandum sa Director of Intelligence nga adunay petsa nga December 10, 2018 kabahin sa 2019 elections ug profiling sa mga sakop sa ACT ug ang uban pang memoranda sa nagkadaiyang PNP units kabahin niini.

Gitataw sa ACT nga iligal sa kini ubos sa Data Privacy Act of 2012 ang gihimong profiling sa PNP sa mga petitioners.

Matud nila nga pipila sa katungod sa ACT members ang gilapas sa PNP mao ang right to association, right to assembly, right to freedom of expression ug right to protection to labor.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy