Una sa Balita

Abogado patay human pusila sa ulo sulod sa van

By
0 55

Nakabsan sa iyang kinabuhi ang usa ka abogado samtang naangol ang usa ka driver human pusila sa usa ka wala pa mailhing gunman sulod sa pangpasahetong van nga mopaingin unta sa Cotabato City niadtong Miyerkoles.

Giila ang napatay nga biktima nga si Nasser M. Laban, 48, usa ka abogado, peace advocate ug residente sa Cotabato City.

Matud sa taho nga giingong nagsuroy suroy si Laban sa maong dapit aron mopahigayun ug interview kabahin sa Bangsamoro Organic Law.

Usa ka pasahero ang giingong mipahunong sa maong van sa may national highway sa Barangay Meta apan sa wala pa kini manaug ang lalaki pasahero gipusil niini sa ulo si Laban gamit ang kalibre .45 ug dayun mipahilayo ug misakay og motorsiklo nga gimaneho sa iyang kauban.

Naigo ang driver sa van sa saag nga bala nga si Kaliman Sangkad, 35, nga anaa sa kritikal nga kondisyon karon.

Padayon usab ang imbestigasyon sa kapolisan sa maong insidente.