Una sa Balita

99 tigok sa leptospirosis

By
0 1,523

PUMALO na sa 99 katao ang namatay sa leptos­pirosis ngayong taon.

Ayon kay Health Secretary Rolando Enrique Domingo, anim na katao na dinapuan ng leptospirosis nitong nakalipas na linggo ang kabilang sa nasawi mula noong Ene­ro hanggang noong Hunyo.

Nalaman na sa leptospirosis ward ng National Kidney Transplant Institute (NKTI) sa Quezon City, uma­bot sa 30 pasyente ang naka-confine dahil sa leptospirosis matapos ang mga pagbaha sa Metro Manila dulot ng malalakas na pag-ulan.

Ang leptospirosis ay impeksyon mula sa ihi ng daga at iba pang hayop. Kapag huma­lo sa tubig-baha ang kanilang ihi at pinasok ang paa na may su­gat, doon papasok ang bacteria.

Ilan sa pasyente ang nakaramdam ng pananakit ng likuran, pamumutla at lagnat matapos na lumusong sa baha.

Sa huling datos ng DOH, nalaman na uma­bot na sa 1,030 ang dinapuan ng leptospirosis mula Enero-Hunyo.

Ito umano ay mataas­ ng 41% sa kaparehas na panahon noong nakalipas na taon na may 581 ang nagka-leptopirosis at 57 ang nasawi at karamihan ng dinapuan ay mula sa Western Visayas (221), Caraga region (162), at Davao (86).

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy