8 sabungero huli sa tupada

Nalambat ng Mandaluyong City Police ang walong katao na iligal na nagsagawa ng tupada noong Sabado.

Kinasuhan ng paglabag sa PD 1602 o illegal gambling act ang mga suspek na sina Joshua Florez, 21; Jefferson Patingo, 31; Michael Sevilla, 36; Daniel Joseph Florez, 18; Maximo Narag, 38; Charles Rudolf Garcia, 19; Ben Nagas, 59, at Lourge Rudolf Garcia, 21, pawang­ mga residente ng nasabing lungsod.

Inaresto sila matapos magsagawa ang awtoridad ng anti-illegal gambling operation sa San Ignacio Street, Barangay Plainview bandang alas-12:30 ng tanghali kahapon.

Nakumpiska mula sa mga suspek ang dalawang panabong na manok na may tari at P2,200 bet money.

Kasalukuyang nakakulong ang mga suspek sa Mandaluyong detention cell. (Vick Aquino)