Una sa Balita

8 ka aktibista nasikop kay nagdala armas ug mga pabuto

0 179

Gisikop sa usa ka checkpoint ang walo ka sakop sa gituhuang progresibong grupo tungod sa nasakmit niini nga mga armas ug mga pabuto sa sulod sa ilang gisakyan sa Escalante City, Negros Occidental noong Setyembre 18.

Giila ang mga nasikop nga silang Clint Mangayon, Joel Guillero, Leon Charito, Buenvinido Ducay, Kenneth Serondo, Jonathan Alcosiva, Aiza Gamao ug usa 17-anyos.

Subay sa report sa Negros Occidental Police Provincial Office, nga mipahigayun og checkpoint ang mga sakop sa 1st Negros Occidental Police Mobile Force Company dihang gipahunong nila ang gisakyan sa mga suspek.

Dihang miduol si Patrolman Ruvic Bering sa sasakyan, nakita niini si Serondo nga mipagawas sa kalibre. 45 busa nahitabo ang pagsikop niini.

Sa pagsusi sa maing sakyanan nadiskubre ang daghang mga armas sama sa lima ka kalibre .45 pistols, usa ka caliber .38 revolver, usa ka KG-9 sub-machine gun, tulo ka rifle grenades, duha ka improvised explosive devices, 21 molotov cocktails ug nagkadaiyang bala.

Gisusi na sa Escalante City Police ang unsang gropu nalambigit ang mga suspek.

Pero subay sa pamahayag sa mga suspek, paingon sila sa rally aron paghandum sa ika 34th anniversary sa Escalante Massacre. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy