Una sa Balita

768 drug suspects sumuko sa Rizal

By
0 4

Tinatayang aabot sa 768 drug personalities kabilang ang mga gumagamit at nagtutulak, ang sumuko sa mga pulis sa probinsya ng Rizal, noong Biyernes.

Ayon kay Rizal Provincial Director Police Sr. Supt. Adriano Tablacion Enong Jr., pinanumpa pa nila ang mga ito na hindi na sila muling babalik sa kanilang bisyo at mga iligal na aktibidad.

Isasailalim naman sa mga kaukulang proseso ang mga sumukong drug suspek upang malaman kung anong istasyon ng pulis ang mag-aasikaso sa kanila.

Tutukuyin pa rin nila kung anong tulong ang maari nilang maibigay sa mga ito bukod sa rehabilitasyon.

Sa mahigit 700 na sumuko, 152 sa kanila ay pawang mga residente ng Antipolo.