Una sa Balita

7 ka kompaniya gipasakaan ug kasong tax evasion

By
0 255

Pito ka kompanya ug negosyante ang gipasakaan ug kaso sa Bureau of Internal Revenue (BIR) ug tax evasion alang sa mga tuig 2008, 2010, 2011 ug 2012 nga moabot sa P825 milyon.

Ang mga mosunod:

Body Needs & Basic Inc. Corp. sa Pasig City nga gigukod sa BIR alang sa P40.4 milyon nga buhis niadtong 2010;

Cristimar Corp. sa Antiopolo City alang sa P27.4 milyon nga buhis niadtong 2011;

Fourthwave Global Inc. sa Marikina City alang sa P14.5 milyon nga buhis niadtong 2012;

Asiatech Construction & Industrial Corp. sa Pasig City alang sa P10.1 milyon nga buhis niadtong 2011;

Ug ang mga negosyanteng silang Donato Pe Benito Bautista nga tag-iya sa Maerdi Foods/Bestlink Trading sa Taytay Rizal alang sa P698.5-milyon nga buhis niadtong 2008; ug si Digna Garrovillas Francisco sa Dimicor Trading & General Merchandising sa Morong Rizal alang sa P34.7 milyon nga buhis niadtong 2012.

Alang sa mga kompanya, lakip sa kaso ang ilang mga responsible officer sama sa mga president, treasurer ug uban pa.

Matud sa BIR, ang mga gipasakaan ug kaso sakop sa Region No. 7B-East NCR.

Sa wala pa sila pasaka-i ug kaso sa Department of Justice (DOJ), gipadalhan sila og Letters of Authority aron mainspeksyon ang ilang mga libro, ug mga request alang sa presentation of records.

Gipadalhan sila ug Preliminary Assessment Notices, Final Assessment Notices, Formal Letters of Demand lakip na ang Final Decision on Disputed Assessments apan wala sila mibayad, nagprotesta o miduso man lang og mga dokumento aron iapela man lang ang talaan sa BIR sa ilang kulang nga buhis.

Wala usab sila modangop sa Court of Tax Appeals (CTA) busa final, executory, demandable na ang gigukod nga buhis sa BIR.

This website uses cookies to improve your experience. We'll assume you're ok with this, but you can opt-out if you wish. Accept Read More