Una sa Balita

60,000 sako ng bigas nasabat sa Zamboanga

By
0 973

Nasabat ng Philippine Coast Guard ang 60,000 sako ng mga smuggled rice sa karagatan ng Olutanga sa ­Zamboanga Sibugay province sa Western Mindanao.

Tinatayang aabot sa mahigit P120 milyon ang halaga ng bigas na ­nakumpiska kamalakawa ng umaga mula sa MV J-Phia.

Hinihinalang galing ang bigas sa Malaysia. Pumasok ito sa karagatan ng Tawi-Tawi, tumawid sa Sulu Sea at inilipat sa naturang barko na ­lumayag naman patungo sa ­Zamboanga ­Sibugay.

Hindi pa mabatid kung sino ang may-ari ng mga bigas at kung sino ang supplier o buyer nito. Tikom rin ang bibig ng mga crew ng nasabing barko.

Patuloy naman ang imbestigasyon ukol dito dahil wala umanong mga papeles o dokumento ang mga bigas. Naabisuhan na rin ang Bureau of Customs (BOC) ukol sa mga ito. 

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy