Una sa Balita

6 ka tawo patay sa sunog sa usa ka pension house sa Bacolod

By
0 290

Patay ang unom ka tawo samtang upat ang naangol human nasunog ang usa ka pension house sa Bacolod City, Martes sa kadlawon.

Base sa inisyal nga taho ni Bacolod City Fire Marshal Publio Plotena, nagsugod ang sunog mga alas-4:37 sa kadlawon sa ground floor sa lima ka andana nga Java Pension House na nahimutang sa Gonzaga-Locsin Street sa maong siyudad.

Dali nga giisa sa General Alarm ang maong sunog ug kinahanglang moresponde ang tanang kabomberohan gikan sa silingang siyudad.

Kinahanglan nga mogamit og boom crane ang mga bombero alang sa ilang gihimong rescue operation tungod kay ang ubang guest sa ihotel misaka na sa rooftop sa edipisyo aron maluwas ang kauhalingon.

Nasayran nga adunay 40 ka guest ang pension house dihang nahitabo ang sunog.

Gideklarar nga fire out ang sunog mga alas-9:15 sa buntag ug sa gihimong pagpangita unom ka biktima nasuta nga namatay kini tungod sasuffocation nga gilangkuban sa upat ka lalaki lakip ang usa ka bata ug duha ka babaye.

Gawas sa mga namatay adunay laing upat nga naangol, tulo niini gidala sa Corazon Locsin Montelibano Memorial Regional Hospital samtang ang ika upat nga naangol usa ka Australian national gidala sa Roverside Medical Center, ang upat luwas ang ilang kinabuhi.

Base sa inisyal nga taho, usa ka motorsiklo ang giingong nasunog sa ground floor sa pension house ug daling mikakatap ang kayo kauong, padayun pa ang gihimong pakisusi aron pagtinu sa matuod nga hinungdan sa hitabo ug aron masuta ang kinatibuk-ang danyos sa maong sunog.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy