Una sa Balita

6 ka sundalo ang patay, laing 6 naangol human gibanhigan sa NPA

0 160

Unom ka sundalo ang namatay samtang 6 ang naangol sa nahitabong pagpangambush sa giingong mga rebeldeng komunista sa lungsud sa Calbiga, sa lalawigan sa Samar niadtong Martes (Abril 23).

Matud ni Lt. Karen Cadano, assistant civil-military operations officer sa 46th Infantry Battalion, ang tropa sa kagamhanan anaa sa Barangay Biri, kapin sa 13 kilometro ang gilay-on sa town proper, isip kabahin sa ilang community support program, mga alas-2 sa kadlawon dihang gilabayan sila sa mga rebelde og improvised explosive devices ug gipamusil.

Matud sa report nga nadawat sa 46th IB, giila ang mga namatay nga sundalo mao silang Corporal Abing, Private First Class (PFC) Garcia, PFC Paster, PFC Constatino, Private Lagrimas, ug Corporal Mamalo.

Ang mga samdan mao silang Sergeant Benito, PFC Magoncia, PFC Friguillana, CPL. Vigillia, PFC Salonga, ug Private Espanol.

Matud sa report sa Inquirer, matud ni Sgt. Gilbert Benito nga nakahimo pa pagpakig-away ang mga sundalo sa pag-atake sa New People’s Army (NPA) ug samdan ang uban niini.

“(At this time) our troops are still extracting the bodies of those who died and the wounded at the area so we cannot give further details,” matud niya.

Matud ni Cadano, dinala ang mga samdang sundalo sa duol nga medical center aron katambalan kini. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy