Una sa Balita

56 pts ni Aldridge lumunod sa OKC

By
0 466

NAGLIYAB ng career-high 56 points si LaMarcus Aldridge at nasalag ng San Antonio Spurs ang triple-double ni Russell Westbrook para takasan ang Oklahoma City Thunder 154-147 sa double overtime Miyerkoles ng gabi.

Naglista ng 7 points sa second OT si Aldridge, sinahugan ng 4 points, isang steal at krusyal na block ni Derrick White kay Jerami Grant sa rim habang abante ang San Antonio 148-144 kulang 2 minutes na lang.

Tumapos si White ng 23 points, ibinaon ni Marco Belinelli ang lima niyang 3-pointers tungo sa 19 points para sa Spurs.

Pasabog si Westbrook ng 24 points, 24 rebounds at 13 assists.

Walang isinablay ang San Antonio sa unang 14 3-point attempts para magtala ng bagong franchise record. Ang dating­ high ng Spurs sa 3-pointers sa pag-uumpisa ng laro ay 11 kontra Sacramento noong 2002.

Nakakatipon na si Aldridge ng 17,758 career points.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy