Una sa Balita

49 ka tinun-an nalanag sa spaghetti sa Negros Occidental

0 188

Jess Campos

Gidala sa tambalanan ang moabot sa 49 ka tinun-an sa Grade 1 tungod kay nagsuka, pagkalipong ug pagkalibang human makakaun sa giandam nga matapos spaghetti sa ilang Christmas party, Huwebes sa buntag sa Bago City, Negros Occidental.

Matud sa report sa Local Disaster Risk Reduction Management Office sa Bago City, nakasinati ang ubang mga Grade 1 student sa Maao Elementary School og pagkakuya tungod sa pagsuka ug pagkalibang nga maoy simtomas sa food poisoning.

Matud usab ni Principal Roberto Angay, 49-anyos, posibleng tungod sa giandam nga spaghetti nga maoy gikaun sa mga tinun-an ang hinungdan sa food poisoning.

Gipaniguro sa tag-iya sa catering service nga mohatag ug tabang-pinansyal sa mga naapektuhan nga estudyante.

Ubang mga tiinun-an gidala sa clinic sa barangay samtang ang uban gibalhin sa Bago City Hospital.

Daling mikuha ug sample sa spaghetti ang Bago City Health Office aron ipaubos sa laboratory test.

Sapagkakaron mihimo pa ug imbestigasyon ang City Health Office sa Bago subay sa nahitabong pagkalanag sa mga tinun-an.

This website uses cookies to improve your experience. We'll assume you're ok with this, but you can opt-out if you wish. Accept Read More