Una sa Balita

41 ka graduate maoy nangulo sa November 2019 Nursing licensure exam

By
0 326

41 ka graduate ang nalakip sa Top 10 November 2019 Nurse Licensure Examination, matud sa Professional Regulation Commission (PRC).

Nag-una sila sa 7,627 ka nakapasar sa maong pagsulit nga adunay kinatibuk-ang 13,816 ka taker.

Nag-inusarangb topnotcher si Shaina Kei Cruiz Watanabe sa Davao Doctors College, Inc. nga adunay rating nga 89.60%.

Gi-solo usab ni Ansherina Santiago Awatin sa Pamantasan ng Lungsod ng Maynila ang Top 2 spot sa gradong 89%, ug ni Anie Grace Abieras Gallaza sa Remedios T. Romualdez Medical Foundation ang Top 8 spot sa grado nga 87.40%.

Samtang upat ka graduate ang nakakuha sa Top 3 spot; lima sa Top 4 ug 5 spots; tulo sa Top 6; duha sa Top 7; pito sa Top 9; ug 12 ka graduate ang nakakuha sa Top 10 spot.

Nakakuha usab og 100% passing rate ang University of Santo Tomas (338 taker), Saint Louis University (191 taker), ug ang De La Salle Medical & Health Sciences Institute (67 taker) busa giila sila isip top performing schools sa maong exam.

This website uses cookies to improve your experience. We'll assume you're ok with this, but you can opt-out if you wish. Accept Read More