Una sa Balita

4 ka tawo patay sa panagbangga sa 2 ka auto, 2-anyos nga bata milagrong naluwas

By
0 56

Human error ang nakita nga hinungdan sa kapolisan sa nahitabong aksidente dihang upat ka pasahero ang patay diha -diha dihang nagbangganay ang Montero sports ug Toyota Vios, Setyembre 7 sa Barangay San Rafael, Cabangan Zambales.

Base sa report sa Cabangan Police Station, tungod grabing head on collision, dead on the spot ang driver sa auto nga giilang si Danilo Ladrigan, residente sa Barangay Lucero, San Marcelino, Zambales ug Maria Ofelia Ebuesamtang giila pa ang pagkatawo duha ka babaye nga namatay.

Milagro usab nga naluwas sa aksidente ang usa ka batang babaye nga nag-edad og duha ka tuig nga sakay sa auto.

Matud ni S/Insp. Marvin Domacena, hepe sa Cabangan Municipal Police Station, nahitabo ang panagbangga mga alas 2:40 Biyernes sa hapon sa National Highway, Barangay San Rafael diin nagbanggaanay ang usa ka kolor gray nga Montero sport nga nagtangag plakang UQI 990 ug usa ka kolor gray nga Toyota Vios nga nagdala sa plakang VDX 231.

Nasayran nga sakay si Ebue sa Montero nga gimaneho ni Gilbert Elorde, residente sa Binabalian, Candelaria, Zambales ug samdan usab ang usa ka babaye nga sakay niini samtang upat usab ang pasahero sa kotse, lakip na ang usa ka bata.

Matud pa ni Elorde, giingong kalit mipaingon sa ilang lane ang auto busa nahitabo ang aksidente.