Una sa Balita

4 ka langyaw nasikop sa managlahi nga operasyon sa BI

By
0 76

Upat ka langyaw na ang nasikop sa Bureau of Immigration (BI) sa managlahi nga mga operasyon sa Baguio City, Laguna, Manila.

Gihimo ang pagdakop pinaagi sa gahum sa mga mission order nga giisyo ni BI Commissioner Jaime Morente.

Lakip sa nasikop ang Koreano nga si Jin Jaehyung, 48, nga overstaying na sa Pilipinas ug usa ka undocumented alien.

Nadakpan si Jin sa Baguio niadtong Hunyo 28 ug subay sa pakisusi sa BI, wanted ang langyaw sa Korea tugod sa kasong fraud.

Niadtong Martes, nasilop usab sa BI ang Japanese nga si Akitoshi Kadobayashi sulod sa iyang buhatan sa Laguna Technopark Economic Zone sa Biñan City, Laguna.

Nagtrabaho si Kadobayashi sa Pilipinas isip sales manager sukad pa niadtong 2017 apan wala kini permit ug visa.

Niadtong Martes gisikop sa Manila ang duha ka Chinese nga silang Li Yan Yan ug Lin Feng Jian samtang nagtrabaho sa usa ka tindahan nga walay working permit.

Wala usab makapresentar ang duha ka Chinese ang ilang pasaporte ug uban pang immigration document.

Gidala ang upat nga langyaw sa BI detention facility sa Bicutan, Taguig ug gikatakda nga ipaubos sa deportation proceedings. ()