Una sa Balita

4.7K naayo na sa China coronavirus

By
0 279

Moabot sa 4,699 ang kinatibuk-ang gidaghanon sa mga tawo nga naayo sa novel coronavirus (2019-nCoV) sa tibuok kalibutan.

Kadaghanan niini naggikan sa Mainland China, samtang adunay 10 nga naayo sa Thailand, tag 9 sa Japan ug Singapore, 6 sa Vietnam, 4 sa South Korea, 3 sa Malaysia, og tag 2 sa Australia ug Illinois sa US.

Tag-usa usab ang naayo sa Finland, Macau, Sri Lanka, Taiwan, UAE, ug Washington sa US.

Matud sa mapa sa Johns Hopkins University – Center for Systems Science and Engineering (JHU CSSE) karong Miyerkoles sa buntag, Pebrero 12, kapin na sa 1,100 ang namatay ug kapin 44,900 ang kumpirmadong nataptan sa mala-pneumonia nga sakit.

Sapagkakaron tulo na ang nagpositibo nga pasyente sa 2019-nCoV sa Pilipinas: pulos kini mga Chinese nga gikan sa Wuhan, China ug miabot sa nasud.

Nakolekta sa JHU CSSE ang mga impormasyon gikan sa World Health Organization, Centers for Disease Control and Prevention, National Health Commission ng People’s Republic of China, ug Dingxiangyuan nga usa ka isocial networking site alang sa mga health care professional nga naghatag og real-time information sa mga kaso.

This website uses cookies to improve your experience. We'll assume you're ok with this, but you can opt-out if you wish. Accept Read More