Una sa Balita

3K taxi unit ng Hype, aarangkada sa holiday season

By
0 165

Goodbye sa mga isnaberong taxi driver/ope­rator ngayong nalalapit na ang holiday seasons dahil mahigit sa 3,000 taxi ope­rators na ang nakiisa at sumapi sa kampanya ng HYPE Transport System.

Sa darating na buwan ng Oktubre ay ilulunsad ng HYPE ang kanilang sistemang transportasyon na makatutulong ng ma­laki para sa mga pasahero, lalo na nga­yong nalalapit na holdiday season.

Ayon kaya Nicanor Escalante, presidente ng Hype Transport System, Inc., mahigit sa 3,000 sa 7,000 taxi unit na sumapi sa kanila ang sumailalim na sa kanilang mga procedure, guidelines at may Hype app na ang maghahatid ng ‘safe’ saan mang destinasyon ng kanilang magiging pasahero.

Aniya, bilang bahagi ng kampanya ng Hype na ma-upgrade ang ‘over all rider experience’, partikular sa taxi cabs gamit ang HYPE app, kinausap at pinulong nila ang mga taxi operator, at inalok na lumagda sa kanila ng manipesto upang maresolba ang mga suliranin at mas mapabuti at ligtas na makauwi sa kanilang mga tahanan ang taxi commu­ters, at ito ay sinuporta­han umano ng Land Transportation Franchi­sing and Regulatory Board (LTFRB).

“In as much as we in HYPE recognize the importance of further enhan­cing and developing the key transportation service gi­ven by our gallant taxi ope­rators and taxi drivers in easing the woes of our passengers, we also recognize that there is a need to provide proactive solutions to the various issues raised by the riding public,” paliwanag ni Escalante.