Una sa Balita

3 ka polis Valenzuela nadakpan sa pagpangilkil, gipasakaan ug kaso sa korte

By
0 57

Gipasakaan ug kaso sa Department of Justice (DOJ) sa kasong robbery sa hukmanan sa Valenzuela City ang tulo ka polis nga nadakpan sa entrapment operation sa Philippine National Police-Counter Intelligence Task Force (PNP-CITF).

Sa resolusyon ni DOJ Assistant State Prosecutor Love-rette Jeffrey Villordon, nasuta nga adunay probable cause ang reklamong gisang-at sa PNP-CITF batok nilang SPO4 Serafin Adante sa Valenzuela Police Precint 8, deputy commander; PO1 Ryand Paul Antimaro; PO1 Rey Harvey Florano ug ang sibilyan nga si Amado Baldong Jr.

Ang kasong gisang-at sa DOJ subay kini sa reklamo sa tag-iya sa junkshop sa Valenzuela nga si Danilo Balar nga matag gabii pangayoan siyag P200 hangtud sa P500.

Abante Hiring – IT dep

Mihimog entrapment operation ang CITF maoy hinungdan nga nadakpan ang tulo ka polis ug ang sibilyan.

Subay usab sa reklamo batok sa hepe sa Presinto 8, gimandu sa DOJ prosecutor ang pagpadayun sa imbestigasyon ni Police Insp. Adonis Paul Escamillan nga wala malakip sa nadakpan ug naapil lang sa kaso tungod sa gitawag nga command respondibility. ()