Una sa Balita

3 ka polis naaktohan ni Eleazar nga natulog

0 231

Tulo na usab ka sakop sa Las Piñas City Police ang naabtan ni National Capital Region Police Office (NCRPO) Director, Major General Guillermo Eleazar nga natulog sa gihimong surprised inspection sa maong siyudad ug sa Muntinlupa City karong Lunes sa kadlawon.

Naabtan ni Eleazar nga natulog silang Corporal Eugine Ybasco ug Jayson Monsales, pulos mobile patrol officer ug nadistino sa Police Community Precinct 3 sa Barangay Zapote ubos sa commander sa presinto nga si Major Joel Gomez.

Base sa taho nga gipagawas sa Southern Police District (SPD), nga samtang nag-standby ang mobile sa police assistance desk nilang Ybasco ug Monsales sa dalan Alabang-Zapote Road, Barangay Pamplona Dos.

Nakit-an ni Eleazar sa gihimo niini nga inspeksyon sa silingang presinto ang usa ka duty desk officer sa PCP 2 nga natulog sa iyang lingkuranan ug sa dihang giduol ug gipakuyawan ni Eleazar hapit pa kining mihulbot sa iyanf service firearm human maalimongawi si S/Sg Danny Cerbito.

Daling gidis-armahan ni Eleazar ang mga natulog nga tulo ka polis samtang gisirmonan kini.

Gipaniguro sa NCRPO chief nga mag- atubang kini ug kasong administratibo ug pagpabaya o “neglect of duty”.

Gimandu usab ni Eleazar sa tulo ka polis nga mo-report kaniya kauban ang ilang hepe.

Nasayran nga sa miaging semana upat usab ka polis-Las Piñas ang nasakpang nag-inum sa mismong police assistance desk nga nahotang sa Petron Gasoline Station sa Alabang-Zapote. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy