Una sa Balita

3 ka kawani sa NAIA nasakpang nagsigi ug tan-aw sa ilang cellphone

0 197

Tulo ka front desk officer nga nadistinu sa Ninoy Aquino International Airport (NAIA) Terminal 2 ang nasakpang migamit sa ilang mga cellphone bisan naka-duty.

Nakuhaan mismo ni Civil Service Commission Commissioner Aileen Lizada ang duha ka kawani nga lalaki gikan sa Civil Aeronautics Board ug usa ka babaye gikan sa Quarantine Services samtang busy kayo nga nagsigig tan-aw sa ilang mga cellphone.

Gipanghimakak sa babayeng kawani nga migamit siya sa iyang cellphone apan sa kadugayan miingon nga aduna siyay gipaabot nga show nga ma live sa alas-12:30 sa udto.

Giangkon usab sa duh aka kawaning lalaki nga sayup ang ilang gihimo nga nagsigig gamit sa cellphone samtang naka-duty.

Samtang gihatag na ni Lizada sa Manila International Airport Authority ug sa mga opisyal sa Bureau of Plant and Industry ang maong insidente. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy