Una sa Balita

3 bumulagta sa Nueva Ecija buy-bust

By
0 212

TATLO ang nasawi habang 13 ang arestado sa magkakasunod na anti-illegal drug buy-bust operation sa magkakahiwalay na lugar sa Nueva Ecija nitong nakaraang tatlong araw.

Sa ulat na nakarating sa tanggapan ni P/Sr. Supt. Eli­seo Tanding, Nueva Ecija police director, kabilang sa mga nasawi sina Melvin Santos, residente ng Brgy. La Torre, Talavera; Kenneth Corpuz, residente ng Brgy. Dicarma, Cabanatuan City at Leo­nardo Milan alyas Cocoy, 41, ng Brgy. Umangan, Aliaga, pawang­ taga-Nueva Ecija.

Ang unang dalawang napatay ay pawang nagpa­putok sa mga pulis sa gitna ng drug transaction samantalang si Milan ay nagtangkang manlaban sa police checkpoint sa San Mariano-Lawang Kupang Road, Brgy. San Mariano, San Antonio.

Ayon kay San Antonio police chief, P/Chief Inspector Marlon Cudal, sangkot sa mga robbery activity si Milan sa bayan ng Aliaga, at drug surrenderee noong 2016.

Kabilang sa mga naaresto sa mga anti-illegal drug buy-bust operation sa Brgy. Poblacion West, Rizal, sina Erwin Revamuntan, 51, ng Brgy.Poblacion West; Casiano III Agustin, 34, ng Brgy. Calaocan District, kapwa sa bayan ng Rizal at Maximo Mallari, 51, residente ng Brgy. Palo Maria, Bongabon.

Arestado naman sa Cabiao nina P/Sr. Inspector Isabelo Ganao sa Brgy. San Roque si Ricardo Caguiat, 65, ng Brgy. 201, 3018 Abucay St., Tondo, Manila na nakunan ng 4 na sachet ng shabu.

Kabilang pa sa mga naaresto sina Ronnie Obligasyon, 47, ng Brgy. Mallorca, San Leonardo; Efren De Fiesta, 35, ng Brgy. Villa Flores, Cuyapo; Jayson Carvajal Villacorta, 39, ng Brgy. San Juan, Aliaga; Rolando Pingol Magno, 35, ng Purok 3, Brgy. San Roque, San Isidro.

Arestado rin ng mga tauhan ni P/Supt. Ponciano Zafra ng Cabanatuan police sa buy-bust operation sa Purok 2, Brgy. Imelda, sina Rodolfo Padilla Iniego Jr., 21; Roberto Nuque Concepcion, 38; Wilson Villanueva de la Cruz, 18, kapwa taga-Brgy. MS Garcia; Eric Rafael Vitoriolo, 41 at Leonora dela Cruz Mallari, 54, kapwa taga-Purok 2, Brgy. Imelda, Cabanatuan City.