Una sa Balita

230K ka metriko toneladang bugas gipagawas ni Duterte sa NFA

By
0 132

Gimanduan ni Presidente Rodrigo Duterte ang National Food Authority (NFA) nga ipagawas ang tanang sa ilang warehouse aron adunay mapalit nga baratong bugas ang katawhan.

Mao kini ang unod sa Memorandum no. 28 nga gipagawas sa Palasyo aron maapod-apod sa kamerkadohan ang baratong bugas.

Gusto sa Presidente nga adunay ibangga sa taas mga presyo sa commercial rice aron dili ka kinahanglan nga molinya sa mga NFA outlet.

Matud ni Presidential Spokesman Harry Roque nga daghang suplay sa bugas tungod kay moabot na ang gipamalit nga bugas ug aduna pay moabot, gawas nga mag-import ug baratong bugas ang Department of Trade and Industry.

Gusto ni Duterte nga ipagawas dayun ang 230,000 metric tons nga bugas nga anaa sa mga warehouse sa NFA.

Matud ni Roque nga anaa usab maong Memo no. 28 pagpagawas sa kamerkadohan 100,000 metric tons nga gipalit nga bugas nga moabot sa katapusan sa bulan.

“So by end of September we should have 330,000 metric tons or rice in the market. Babantayan po natin kapag hindi nakarating sa merkado yan,” ani Roque.

Gipahimangnuan sa kalihim ang mga nagtinguha pagtago ug mag-divert sa NFA rice nga gitahasan ang mga otoridad nga bantayan sila kay mahimo silang pasakaan ug kaso.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy