Una sa Balita

220 ka panimalay alang sa biktima sa Yolanda, nakompleto na – Palasyo

By
0 322

Nahuman na sa National Housing Authority (NHA) ang panimalay alang sa mga biktima sa bagyong Yolanda sa Tabuelan, Cebu.

Kini ang gipamahayag ni Secretary to the Cabinet Karlo Nograles, human na-award sa mga benepisyaryo ang 220 housing unit nga maoy permanenteng puloy-anan sa mga biktima sa bagyong Yolanda.

Matud ni Nograles, natumab ang pagkumpleto sa mga housing unit subay usab sa gihimong direktiba ni Presidente Rodrigo Duterte nga paspasan ang pagtrabaho niini aron matapos na ang kalbaryo sa mga biktima sa bagyo nga miigo sa daghang dapit sa Visayas niadtong 2013.

“We’re thankful to the efforts of all the government agencies and personnel concerned, especially the NHA. After six years of planning and hard work, we’re able to fulfill our promise of housing and livelihood to Yolanda victims in Cebu,” matud Nograles.

Matud niya nga gikompketo pa ang pag-install sa mga pasilidad ug livelihood program sa dapit aron hingpit nga makabangon ang maigo bagyo.

Matud ni Nograles nga gipaabot nga makukumpleto sa dili pa ang tuig hangtud 2020 ang tanang housing project alang sa mga biktima sa bagyong Yolanda human gimandu sa Presidente nga paspasan ang pagtrabaho niini ilabi na sa lalawigan ng Leyte.

Gipaniguro sa kalihim nga prayoridad sa kagamhanan nga mahuman ang tanang gitukod nga housing unit aron mahatag niini sa mga benepisyaryo sa daling panahon.

“With the turnover, we are on track to fulfilling our commitment to finish majority of the housing units by 2019, and full completion of all housing units for the entire Yolanda corridor by 2020. The NHA has been tasked to fast track the construction this year,” dugang pa ni Nograles.

Nasayran nga nasuko si Presidente Duterte tungod kay unom na katuig ang milabay human miigo bagyong Yolanda , wala pa gihapon kahatagi ug permanenteng kapuy-an ang tanang mga biktima sa bagyo.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy