Una sa Balita

220 couple sa Bacolod naka-face mask nang kinasal

0 292

Walang makapipigil sa kasalan ng 220 couple sa Bacolod City, kahit pa ang banta ng coronavirus disease (COVID-19).

Kaya sa ginawang mass wedding sa Bacolod City Government Center na pinangunahan ni Mayor Evelio Leonardia noong Huwebes, pa­wang mga nakasuot ng face mask ang mga magpapa­litan ng ‘I do’.

“This is a mass wedding like no other because of its unique date, and for the first time ever couples have to wear masks as a precaution,” ayon sa alkalde.

Dagdag pa ng alkalde na ang ‘Kasalan ng Ba­yan: 220 on 02-20-2020’ ay nagpapakita na ang pag-ibig ay hahamakin ang lahat, dahil nakiisa pa rin ang mga couple kahit pa mayroong COVID-19 scare. Mayroon umanong go signal ang kasalang bayan sa Department of Health.

Nang hudyat na para sa paghalik sa mga bride, pawang mga naka-face mask pa rin ang mga ito kaya nagtawanan ang lahat ng bisita sa event. (PNA)

This website uses cookies to improve your experience. We'll assume you're ok with this, but you can opt-out if you wish. Accept Read More