Si Rita Daniela ang kumanta ng theme song ng ‘Love Before Sunrise’ na pinagbibidahan nina Dennis Trillo, Bea Alonzo kaya nasa SM Megamall siya kung saan nagkaroon ng red carpet premiere ang nasabing teleserye.

In fairness, very fresh ang hitsura ni Rita.

Sa pa-dinner nga sa Lugang Café after ng premiere, tsika-tsika namin si Rita.
Naikuwento niya na okey na okey siya at ang anak niyang si Juan ‘Uno’ Andres na 9-month old na.
“Ang bilis nga, 9 months old na si Uno,” tsika ni Rita.
Samantala, nausisa rin siya tungkol sa viral na eksena sa burol ni Sir Mike Enriquez nang kumanta siya kasama sina Jessica Villarubin, 

Julie Anne San Jose, Thea Astley, Mariane Osabel, at Hannah Precillas.

Eh bumirit kasi si Jessica kaya na-bash ito dahil nanapaw raw.

Ang tsika pa ng iba, nag-roll daw ang mga mata ni Rita at obvious daw na nairita ito sa ginawa ni Jessica.

Pero sabi ni Rita, hindi siya nagalit kay Jessica.

Hindi lang daw alam ni Jessica na hindi ito dapat bumirit.

Hindi rin daw naniniwala si Rita na nanapaw si Jessica.

“Hindi ako nairita. Hindi ako nagalit. Ganun lang talaga ang reaksyon ko. Pero sa tingin naman namin hindi siya nanapaw. Hindi lang talaga alam ni Jessica na hindi siya dapat bumirit.

“Saka wala sa akin ‘yon. Kilala mo ako, Tito Jun. Hindi ako magtataray dahil lang doon,” paliwanag ni Rita.

Samantala, natuwa si Rita nang purihin ng entertainment press ang galing ng pagkakakanta niya sa theme song ng ‘Love Before Sunrise’.

Bongga!