BAGO umalis papuntang Hangzhou, China para sa 19th Asian Games, bibisita muna ang Philippine men’s baseball team sa Philippine Sportswriters Association Forum ngayong Martes, September 19.

Ibabahagi nina Philippine Amateur Baseball Association secretary-general Pepe Munoz at ng ilang miyembro ng PH team ang inaasahang tatakbuhin ng kampanya sa Asiad umpisa sa October 1.

Alas-10 ng umaga ang umpisa ng session, dadaluhan din ni legendary basketball coach Joe Lipa kasama si co-author Peter Regalado Lopez para ibahagi ang nilalaman ng 280-page book Basketball 101.

Ang Forum ay hatid ng San Miguel Corporation, PSC, Milo, POC at Pagcor, huling session ito bago magkaroon ng three-week break para bigyang-daan ang partisipasyon ng Pilipinas sa Asiad.

Naka-livestream ang session sa fb.com/PhilippineSportswritersAssociation at ine-ere nang delayed basis sa Radyo Pilipinas 2 na nagse-share din ng programa sa kanilang Facebook page. (Vladi Eduarte)