MAGSASAGAWA ng deliberasyon ang House committee on constitutional amendments ngayong Huwebes, Enero 26, kaugnay ng mga panukala at resolusyon na nananawagan na amyendahan ang 1987 Constitution.
Ang pagpupulong ng komite na pinamumunuan ni Cagayan de Oro Rep. Rufus Rodriguez ay magsisimula ng alas-9:30 nang umaga.
Batay sa agenda, tatalakayin ang House Bill 6698 at ang House Bill 4926 na akda ni Camarines Sur Rep. LRay Villafuerte na nananawagan ng Constitutional convention kasunod ang House Bill 4421 na naglalayong magpatupad ng pagbabago sa presidential succession.
Susunod sa agenda ang Resolution of Both Houses (RBH) numbers 1, 2, 3, 4, at 5 na nananawagan ng pag-amyenda sa iba’t ibang probisyon ng Konstitusyon at House Joint Resolution 12 na nananawagan din ng Con-con. (Billy Begas)
