Uulanin ang Palawan, Bicol region, Visayas at Mindanao sa susunod na mga oras dulot ng low pressure area (LPA).
Sa ulat ng Philippine, Atmospheric, Geophysical, and Astronomical, Services Administration (PAGASA), naispatan ang sama ng panahon sa layong 280 kilometro timog-silangan ng Davao City.
Maliban sa mga nabanggit na lugar, makararanas naman ng maulap na kalangitan na may mga pag-ulan ang Cagayan Valley, Apayao at Ilocos Norte dahil sa umiiral na northeast monsoon o Amihan.
Samantala, sinabi ng mga wearther forecaster na makakaranas ng maulap na kalangitan na may mahinang pag-ulan dahil pa rin sa amihan ang Metro Manila at nalalabing bahagi ng Luzon.(Tina Mendoza)
