WebClick Tracer

Monday, November 28, 2022

MORNING NEWS
NIGHTLY NEWS
BREAKING NEWS
ALL NEWS
NEWS

Diesel taas-presyo papalo sa P5

Nakaambang tumaas ang presyo ng mga produktong petrolyo matapos ang limang magkakasunod na linggong tapyas presyo nito.

Kasunod ito ng desisyon ng Organization of the Petroleum Exporting Countries (OPEC) na bawasan ng dalawang milyong bariles ang produksyon nila ng langis kada araw simula sa Nobyembre 2022.

Ayon kay Atty. Rino Abad, director ng Oil Management Bureau ng Department of Energy, nasa P4 o maaaring higit pa ang posibleng itaas sa presyo kada litro ng diesel.

Subalit maaaring pumalo pa umano sa P5 ang posibleng taas-presyo sa kada litro ng diesel.

Hindi naman aabot ng P1 ang inaasahang taas-presyo sa kada litro ng gasolina habang ang kerosene ay P2 o higit pa ang posibleng dagdag-presyo.

Sa anunsiyo ng Clean Fuel, maaaring pumalo sa P4.20 ang taas-presyo sa diesel habang P0.70 naman sa gasoline.

Samantala, sinabi ni Abad na posibleng magbago pa ang halaga ng taas-presyo depende sa magiging takbo ng kalakalan nitong Biyernes.

Ayon kay Abad, bagamat sa susunod na buwan pa ipatutupad ang OPEC ang bawas sa produksyon ng langis ay nakaaapekto na ito agad sa presyuhan ng krudo sa pandaigdigang merkado.

“Eepekto pa ito November, so hindi pa ito ngayon. But of course, alam na natin ngayon nag-iimbak na sila ngayon, meaning nagno-nominate na ng kanilang requirement, yung mga consuming countries, two months usually yan. So tayo dito sa Philippines, ang ating nomination ay for the next two months so kahit ngayon pa lang ay tatamaan ka na kasiyung ino-nominate mo ay mangyayari sa November at December, so alam na ng market na magkakaproblema sa November at December. Ang pricing dyan ay doon na sa anticipated na months na `yan,” pahayag ni Abad. (Betchai Julian/Aileen Taliping/Kiko Cueto)

This breaking news is brought to you by:

Una sa Balita

Popular sa ABANTE

TELETABLOID

Follow Abante News on