WebClick Tracer

Wednesday, December 7, 2022

MORNING NEWS
NIGHTLY NEWS
BREAKING NEWS
ALL NEWS
NEWS

Sardinas, harina, iba pang bilihin taas-presyo pa more

Nagbabadya ang patuloy na pagtaas ng mga bilihin, partikular na ang de-latang isda at mga harina, matapos iulat ng Philippine Statistics Authority (PSA) ang pag-akyat ng Producers Price Index na katumbas ng inflation para sa mga manufacturer.

Ayon sa PSA, lumago ang PPI o inflation ng manufacturers sa 7.3% ng Agosto kumpara sa negative 0.4% noong Agosto 2022 ngunit mas mabagal naman sa 8% noong Hulyo.

Para sa food manufacturers, lumaki ang kanilang mga gastos ng 8.7% noong Agosto at pinakamalaki ang tinalang gastos ng mga manufacturer ng grain mill products, starches and starch products ng 17.7%. Sumunod dito ang mga gumagawa ng feeds at mga pakain sa hayop na nagmahal ang gastos ng 14.9%, pangatlo ang processing and preserving of fish, crustaceans and mollusks kung saan maisasama ang gumagawa ng de-latang sardinas na nagmahal ng 12.8% ang mga gastusin.

Sabi ng PSA, nagmahal ang produksyon para sa 20 industriya na pinangungunahan ng refined petroleum products at dadalawang industriya lamang ang nag-ulat na nagmura ang kanilang gastusin, ang printing at reproduction ng recorded media at ang manufacture ng machinery and equipment puwera ang electrical equipment. (Eileen Mencias)

Ano ang masasabi mo sa balitang ito? (Mag-komento)
This breaking news is brought to you by:

Una sa Balita

Popular sa ABANTE

TELETABLOID

Follow Abante News on