WebClick Tracer

Thursday, December 1, 2022

MORNING NEWS
NIGHTLY NEWS
BREAKING NEWS
ALL NEWS
NEWS

Robin puntirya endo sa gobyerno

Magkakaroon na ng pagkakataon ang mga casual o contractual na empleyadong matagal nang naninilbihan sa gobyerno na maging regular – na may karapatan sa mga karampatang benepisyo.

Sa Senate Bill 234 ni Sen. Robinhood ‘Robin’ Padilla, layunin nito na magbigay ng civil service eligibility sa mga casual at contractual na nakaabot ng ‘di bababa sa limang taon sa serbisyo.

“It is high time that we grant eligibility to our committed casual or contractual employees of the government in order to open opportunities for higher salaried positions, boost their morale and keep them motivated, and enhance their productivity to the benefit of the public,” sabi ni Padilla.

“For the longest time, the government has gained notoriety for denying its employees opportunities to be regularized,” dagdag pa niya.

Ayon sa senador, tinaya ng Civil Service Commission na 660,390 sa 2.4 milyong empleyado sa gobyerno noong 2017 (27%) ang ‘job order’ o ‘contract of service’ ang status. Karamihan ay hindi ma-regular dahil hindi sila civil service eligible.

“Most of our casual or contractual government employees cannot seek regular employment because they are not civil service eligible,” ani Padilla.

Sakop ng panukalang batas ni Padilla ang mga casual o contractual na empleyadong nakasilbi sa gobyerno ng hindi bababa sa limang taon, at nasa first level career civil service positions sa clerical, trades at custodial service.

Dapat walang pending administrative case at hindi na-convict sa krimeng may kinalaman sa “moral turpitude, disgraceful o immoral conduct, dishonesty, examination irregularity, drunkenness or addiction to drugs.”

Hindi rin dapat dishonorably discharged sa military service o dismissed for cause sa anumang civilian position sa gobyerno ang naturang empleyado. (Dindo Matining)

Ano ang masasabi mo sa balitang ito? (Mag-komento)
This breaking news is brought to you by:

Una sa Balita

Popular sa ABANTE

TELETABLOID

Follow Abante News on