NAGDELIBER si Nikola Jokic ng 38 points, 18 rebounds at 6 assists at ibinaon ng Denver ang LeBron James-less Lakers 129-118 Linggo ng gabi sa Los Angeles.
No. 5 na sa West ang Nuggets (47-32), humugot pa ng 25 markers kay Will Barton at 24 points, 8 rebounds kay Aaron Gordon.
Kalahating laro sa likod ang Jazz (46-32).
Itinodo ng Denver ang tapak sa silinyador sa fourth quarter para ekisan ang panalo.
Lumabo pa ang tsansa ng Lakers (31-47) kahit sa play-in, dahil dumistansiya pa ang 10th placer Spurs (33-45) pagkatapos ng 113-92 win sa Trail Blazers.
Hindi naglaro si James para ipahinga ang sprained left ankle.
Nagsumite si Anthony Davis ng 28 points, 9 rebounds at 8 assists sa pangalawang laro mula six-week absence dahil sa injury.
Nag-ambag si Russell Westbrook ng 27 points, 17 kay Carmelo Anthony. (VE)
