SIYAM ang players ng Heat na nag-warmup sa Miami nitong Martes, pero sa tipoff ay walo na lang.

Humabol sa protocol si Max Strus kaya nabawasan pa ng isa ang Heat nang i-host ang Washington Wizards.

Tumabo si Tyler Herro ng 32 points off the bench, inayudahan ni Jimmy Butler ng 25 points, 8 rebounds at career-best 15 assists at naligtasan ng Miami ang kulang din sa taong Wizards 119-112.

Bumakas pa ng 26 points si Duncan Robinson sa Heat.

Nasa health and safety protocols ng Miami sna Kyle Lowry at Udonis Haslem. Injured sina Bam Adebayo (thumb), PJ Tucker, Dewayne Dedmon, Markieff Morris at Victor Oladipo.

May 63 seconds pa sa laro, lumabas din si Butler dahil sa twisted right ankle.

Humugot ang Washington ng 24 points kay Spencer Dinwiddie at 22 kay Kyle Kuzma.

Nalubog ng 28 sa third quarter ang Wizards bago nanindak sa lima pero naubusan na.

Out din sa Wizards sina Bradley Beal, Thomas Bryant, Kentavious Caldwell-Pope, Rui Hachimura, Montrezl Harrell, Anthony Gill, Aaron Holiday at Raul Nieto. (VE)