Una sa Balita

2 tulak na Nigerian national tiklo sa Pampanga

By
0 437

DALAWANG Nigerian national­ ang dinakip ng pinagsanib na operatiba ng Regional Police Drug Enforcement Unit (RPDEU) at Angeles City Police Drug Enforcement Unit (ACPDEU)­ makaraang ipasailalim sa buy-bust operation sa ­tinitirhang apartment sa Brgy. Amsic, Angeles City, Pampanga kahapon nang madaling-araw.

Kinilala ang naarestong­ sina Christopher­ Chukwuma­ alyas Cris, 33, binata at Ben Okoye, 34, binata, pansamantalang naninirahan sa 2nd St., Plaridel II, Brgy. Amsic, Angeles City.

Nakuha sa pag-iingat ng dalawang tulak na ­banyaga ang anim na ­medium size-sealed transparent sachet ng shabu na humigit-kumulang sa 50 gramo at may estimated street value na P150,000 bukod pa sa P3,000 marked money. Nahaharap­ ang mga ito sa kasong ­paglabag sa Section 5 (pagbebenta) at 11 (posesyon) ng RA 9165.

Pasado ala-una nang madaling-araw nang magkasa ng anti-illegal drug operation ang awtoridad­ laban sa dalawang dayuhan­ na umano’y nagtutulak ito ng shabu sa kapwa banyaga sa natu­rang lungsod.

Hindi na nakapalag ang dalawang suspek nang kumagat sa buy-­bust­­ operation ng pulisya. Nakikipag-­ugnayan na sila sa Bureau of Immigration (BI) para iberipika ang status ng mga suspek at ang posibleng pagkakasangkot ng mga ito sa drug syndicate.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy