2 residente nadale ng bomba sa Albay
Sugatan ang dalawang sibilyan, kabilang na ang isang menor de edad, makaraang pasabugin umano ng Communist Terrorist Group (CTG) ag anti-personnel mine sa Barangay Allang, Ligao City, Albay nitong Sabado.
Kinilala ang biktima na si Jesus Posiquit, 39, at isang 15-anyos na dinala sa pinakamalapit na ospital makaraang mapuruhan nang pagsabog na naganap alas-8:22 ng umaga.
Kinondena naman ni Lt. Col. Benjamin Tapnio, commander ng 49th Infantry Battalion (49IB), ang ginawa ng grupo. Aniya, “This attack on the civilians proved that the CTG is desperate because of the effective implementation of the Community Support Program (CSP) and the whole-of-nation approach which brought significant damages against their useless cause.”
Tinutugis na ang mga responsable sa pag-atake.
“We are now in close coordination with our counterpart in the PNP for the immediate arrest of the perpetrators including those who were involved in the planning of this crime. We will not allow them to go unpunished, for this was a treacherous attack against the Bicolanos,” ayon kay Col. Jaime Abawag Jr., ng 902nd Infantry Brigade. (PNA)