Una sa Balita

2 patay sa pag-igo ni Tisoy sa nasud

By
0 304

Duha na ang gikataho nga patay sa pagkuso-kuso sa bagyong Tisoy sa nasud

Una nga gikataho sa Police Regional Office 5 ang pagkamatay sa biktima nga si Marco Paulo Ursua, residente sa Centro B Barangay Loba-Loba, Libmanan, Camarines Sur human kini nakuryentehan dihang moigo ang dala nga sin sa live wire.

Nangandam unta si Ursua sa pag-abot sa bagyong Tisoy mga alas-12:20 da udto niadtong Lunes, Disyembre 2 dihang nahitabo ang insidente tubgod dakakusog sa boltahe nga misulod sa lawas niini nalabay kini gikan sa ilang atop.

Mga alas-4:30 usab sa hapon niadtong Lunes namatay usab ang biktima nga si Joel Beledio, 38, dihang natagakan kini sa akung sanga sa kahoy nga Gemelina tungod sa kusog nga hangin sa Ormoc City.

Matud ni Police Major Alvin Shevert Machete, hepe sa Police Station 1 sa Ormoc City PNP, sayung gipapuli sa trabaho ang biktima ug mga kauban niini aron makapangandam sa nagsingabot nga bagyo.

Apan samtang gimaniho sa biktima ang iyang motorsiklo pauli sa Barangay Boroc nagsugud na ang kusog nga hangin usa ka dakung sanga sa kahoy ang nabali ug naigo ang biktima.

Bisan paman kun nagsul-ob ug helmet naigo ang ulo niini ug daling gidala sa iOrmoc rescue group sa labing doul nga tambalanan apan gideklarar kini nga dead on arrival sa mga doktor.

This website uses cookies to improve your experience. We'll assume you're ok with this, but you can opt-out if you wish. Accept Read More