2 pari sa Cebu tinamaan ng COVID

Nagpositibo sa COVID-19 ang dalawa pang miyembro ng Archdiocese of Cebu kasunog ng ulat na positibo sa virus si Cebu Archbishop Jose Palma.

Nabatid sa Archdiocese, dinala sa hospital sina Auxiliary Bishop-Emeritus Antonio R. Rañola at Fr. Russel Sungcad, na team member ng Alliance of Two Hearts Church sa Banawa, Cebu City.

Isinugod sa ospital noong Biyernes ng umaga si Rañola dahil sa nararanasang matinding ubo. Maayos naman umano ang lagay nito.

Una nang kinumpirma ng Cebu Archdiocese na dinapuan ng virus si Palma.

Umaapela naman ang archdiocese sa mga deboto na patuloy na mag-alay ng panalangin para sa tuluyang ikagagaling ng naturang mga obispo at mga pari. (Juliet de Loza-Cudia)