Una sa Balita

2 ka manyak napatay sa polis, babaye luguson unta

By
0 57

Nagdagan nga walay sinina ug nangayog pamitabang ang 18 anyos nga dalaga samtang gigukod kini sa duha sa lalaking bout untang molugos kaniya.

Apan wala molampos ang yawan-ong tinguha sa duha dihang napusilan ug napatay kini sa kapolisan sa Quezon City Police District (QCPD) kagabii.

Giila ni PO3 Alvin Quisumbing, imbestigador sa Criminal Investigation and Detection Unit (CIDU) sa QCPD, ang biktima nga si Anabel Banding Gabatbat, 18-anyos, dalaga, ug residente sa No. 2591 Pinagkaisa St., Brgy. Commonwealth, QC.

Ang duha ka lalaki nga napatay wala pa mailhi sa kapolisan , nag-edad kinig 25-30, kasarangan ang panglawas, 5’6″ ang gitas-on ug nagsul-ob ug iyom nga jacket, puting t-shirt, blue nga shorts, itom nga bullcap, itom nga face mask, samtang ang ika duha anaa sa 20-30 ang edad, 5’7″ ang taas, kasarangan ang panglawas, nagsul-ob ug black jacket, black shorts, red bonnet ug adunay tattoo sa ‘Bahala na Gang’ sa iyang braso.